Azərbaycan Premyer Liqasının VII turunda keçirilən "Qəbələ" - "Zirə" oyunundan sonra qalmaqal yaşanıb.

Apasport.az saytının məlumatına görə, Qəbələdə baş tutan qarşılaşmadan dərhal sonra futbolçular arasında mübahisə düşüb.

Final fiti ilə birlikdə bakılıların müdafiəçisi Dmitrios Çantaikasa kəllə vuran "Qəbələ"nin yarımmüdafiəçisi Ehtiram Şahverdiyev birbaşa qırmızı vərəqə alıb. Onunla mübahisəyə girişən Çantaikas isə "sarı"ya qonaq olub. Futbolçular, xüsusən də, Şahverdiyevi sakitləşdirməkdə çətinlik çəkiblər.

Qeyd edək ki, görüş 1:1 hesabı ilə başa çatıb.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"