“Yuventus”un vitse-prezidenti Pavel Nedved hücumçu Kriştiano Ronaldonun klubdan ayrılma ehtimalı ilə bağlı yayılan söz-söhbətlərə aydınlıq gətirib.

Apasport.az saytının məlumatına görə, Nedved portuqaliyalı superulduzun başqa komandaya keçmək istədiyini onlara bildirmədiyini deyib.

O, 36 yaşlı forvardın düşərgəyə qoşulmasını gözləyir: “Ronaldonun nə özü, nə də ətrafından biri bizə ayrılmaq istədiyini deyib. Mən onu “Yuventus”da gözləyirəm. İyulun 25-də istirahətdən qayıtmasını gözləyirik”.

Qeyd edək ki, 2018-ci ildən “Yuventus”un formasını geyinən Kriştiano Ronaldonun müqavilə müddəti gələn ilin yayına qədərdir.
 

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi