Konfrans Liqasının qrup mərhələsinin III turunda “Qarabağ”la qarşılaşacaq “Kayrat” Bakıya yola düşüb.

Apasport.az saytının məlumatına görə, Qazaxıstan təmsilçisi artıq ölkəni tərk edib.

Dünən “Qarabağ”la matçı buraxacağı açıqlanan Vaqner Lavın da səfərə yollanan heyətdə yer aldığı bildirilib. Yerli mətbuat həkimlərin 37 yaşlı braziliyalı forvardı matça yetişdirməyi bacardığını yazıb. Tanınmış hücumçu sabah baş məşqçi Kurban Berdiyevin sərəncamında olacaq.

Əvəzində 12 qolla komandanın ən məhsuldar futbolçusu olan Artur Şuşenaçev zədələnib. Ayağında ağrılar hiss edən hücumçunun qarşılaşmada iştirakı sual altına düşüb.

Qeyd edək ki, Tofiq Bəhramov adına Respublika Stadionunda keçiriləcək “Qarabağ” – “Kayrat” görüşü saat 20:45-də başlayacaq.
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"