“Barselona”nın ulduzu “Sabah”la oyunu buraxacaq
19.11.2026 - 13:38
“Barselona”nın ulduzu “Sabah”la oyunu buraxacaq

“Barselona”nın yarımmüdafiəçisi Rodri zədə səbəbindən Bakıda “Sabah”a qarşı keçiriləcək Çempionlar Liqasının oyununda iştirak etməyəcək.

Apasport.az xəbər verir ki, bu barədə “AS” nəşri məlumat yayıb.

Sağ budunun arxa əzələsindən zədə alan 30 yaşlı futbolçunun bərpa prosesi gözləniləndən yaxşı getsə də, Kataloniya klubu onun tam hazır olmadan meydana çıxmasını istəmir.

İspaniyalı yarımmüdafiəçinin “Sabah”la matçdan sonra komanda məşqlərinə qoşulacağı gözlənilir.

Qeyd edək ki, “Sabah” – “Barselona” görüşü noyabrın 25-də Bakı Olimpiya Stadionunda keçiriləcək. Qarşılaşma saat 21:45-də başlayacaq.