Almaniya millisinin keçmiş üzvü, hazırda Polşanın “Qurnik” klubunda forma geyinən Lukaş Podolski futbolçu karyerasını başa vurub.

Apasport.az xəbər verir ki, bu barədə klubun sosial media hesabında məlumat verilib.

Klubdan verilən açıqlamada bildirilib ki, Podolski bundan sonra klubun sahibi olacaq:

“Bir paraqraf bağlandı. Yeni bir dövr başlayır. Dünya çempionu Lukaş Podolski bu həftə sonu uğurlu karyerasına son qoyacaq. O, uşaqlıq klubu “Qurnik”in sahibi olacaq. Hər şey üçün təşəkkür edirik, Poldi!”

Oyunçu karyerası ərzində Podolski “Köln”, “Bavariya”, “Arsenal”, “İnter”, “Qalatasaray”, “Vissel Kobe”, “Antalyaspor” və “Qurnik” kimi klublarda oynayıb.

Podolski 2014-cü ildə Almaniya milli komandası ilə dünya çempionu olub.

• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO