Türkiyə futbolunda sular durulmaq bilmir.
Apasport.az xəbər verir ki, daha əvvəl "Qalatasaray"ın maraqlandığı və böyük ölçüdə razılaşdığı "Mançester Siti"nin qapıçısı Edersona bu dəfə "Fənərbaxça" "elçi düşüb".
Belə ki, "sarı-lacivərdlilər" braziliyalı qapıçı üçün "Siti"yə 12 milyon avroluq rəsmi təklif göndərib.
"Fənərbaxça"nın bu addımına əsəbiləşən "Qalatasaray" azarkeşləri isə bütün hirslərini klub prezidenti Dursun Özbekdən çıxıblar.
Dursun Özbek Kerem Aktürkoğlu transferinə və onun "Fənər" formasıyla avrokuboklarda iştirak ərizəsinə salınmasına mane olmadığı üçün "cimbom" azarkeşləri tərəfindən sərt tənqidə məruz qalıb.
#DursunÖzbekİstifa həşteqi isə sosial şəbəkələrdə trend olub.
3:1 qazanılan "Çaykur Rizespor" matçının ardından baş məşqçi Okan Buruk, vitse-prezident Abdullah Kavukçu və prezident Dursun Özbekin təcili transfer iclası keçirdiyi iddia olunur.
Oxşar xəbərlər
Ana səhifə
Bütün xəbərlər