Bu mövsüm Çempionlar Liqasına vəsiqə qazanan Fransanın “Olimpik Marsel” klubu heyətini gücləndirməyə davam edir. 

Apasport.az xəbər verir ki, komanda "Lill"dən Anxel Qomezi öz sıralarına qatıb.

Bu barədə insayder Fabritsio Romano məlumat yayıb.

24 yaşlı ingilis yarımmüdafiəçi yeni komandasına azad agent kimi qoşulub. 

O, bu gün tibbi müayinədən keçmək və 3 illik müqaviləyə qol çəkmək üçün Marsel şəhərinə gələcək.

Ötən mövsüm “Lill” formasıyla 20 matça çıxan Qomez 2 qol və 1 məhsuldar ötürmə ilə yadda qalıb.

Qeyd edək ki, "Mançester Yunayted" yetirməsi olan futbolçu cari il İngiltərə millisi ilə 4 matça çıxıb.

• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza