"Mançester Siti" müdafiəçisi Yoşko Qvardiolun müqaviləsinin müddətini uzadıb.
Apasport.az xəbər verir ki, bu barədə İngiltərə klubunun mətbuat xidməti məlumat yayıb.
Yeni razılaşmaya əsasən, Xorvatiya millisinin üzvü 2031-ci ilin yayına qədər "şəhərlilər"in formasını geyinəcək.
23 yaşlı mərkəz müdafiəçisi yeni müqavilədən məmnunluğunu ifadə edərək, "Mançester Siti"də daha böyük uğurlar qazanmaq istədiyini bildirib.
Qeyd edək ki, Yoşko Qvardiol 2023-cü ilin avqustunda Almaniyanın "Leyptsiq" klubundan 90 milyon avro transfer haqqı qarşılığında "Mançester Siti"yə keçib. Xorvatiyalı müdafiəçi İngiltərə təmsilçisi ilə indiyədək 1 Premyer Liqa, 1 UEFA Superkuboku, 1 FIFA Klublararası Dünya Çempionatı, 1 İngiltərə Kuboku və 1 İngiltərə Superkuboku qazanıb.
Oxşar xəbərlər
Ana səhifə
Bütün xəbərlər