Ötən mövsüm icarə əsasında “Qalatasaray”da çıxış edən Viktor Osimhen İstanbul klubuna birdəfəlik transfer oluna bilər.

Apasport.az xəbər verir ki, bu barədə türkiyəli insayder Yağız Sabuncuoğlu məlumat yayıb.

Məlumata görə, “sarı-qırmızılılar” nigeriyalı hücumçunun transferini yekunlaşdırmaq məqsədilə bu həftə İtaliyaya səfər etməyi planlaşdırır.

Hazırda müqavilə ilə “Napoli”yə məxsus olan 26 yaşlı forvard transfer gerçəkləşəcəyi təqdirdə “Qalatasaray”dan illik 16 milyon avro məvacib alacaq.

Qeyd edək ki, Nigeriya millisinin üzvü Osimhen ötən mövsüm “cimbom”un heyətində 41 rəsmi oyunda iştirak edərək 37 qol və 8 məhsuldar ötürmə ilə yadda qalıb.

• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO
• “Qızıl top”u qazana bilməyən Lamin Yamal: “Mənim də zamanım gələcək”
• İsmail Kartal avtomobil qəzasına düşüb