“Qalatasaray”ın baş katibi Eray Yazgan son günlərdə gündəmi zəbt edən Kerem Aktürkoğlunun transferi ilə bağlı bir sıra açıqlamalar verib.
Apasport.az xəbər verir ki, Yazgan açıqlamasında oyunçu ilə bağlı bütün təkliflərdə “Qalatasaray”ın müqavilədə ilk satınalma hüququna malik olduğunu vurğulayıb:
“Kerem Aktürkoğlunun ilk satınalma haqqı bizə məxsusdur. “Benfika”, onunla əlaqədar bütün təklifləri əvvəlcə bizə təqdim etməlidir. Dünən “Benfika” bizə “Fənərbaxça”nın təklifini ətraflı şəkildə çatdırdı. 5 günlük müddət Cümə günü başa çatır və Avropa siyahısına yazılma prosesi də yekunlaşır. “Fənərbaxça”nın bu reallıqdan xəbərsiz şəkildə prosesi aparmasını təəccüblə izlədik”.
Baş katib rəqib komandanın davranışlarını da sərt tənqid edib: “Biz mühiti sakitləşdirməyə çalışırıq, amma rəqibimiz bizə hücum etməyə davam edir. “Qalatasaray” isə onlara əxlaq dərsi verir. Klubumuz Kerem Aktürkoğlunun transferində Avropa siyahısına mane yaratmaq mövqeyində olmayacaq. Bu münasibətlə “Samsunspor”a da uğurlar arzulayırıq”.
Yazgan həmçinin “Qalatasaray”ın Türk futbolundakı roluna diqqət çəkib: “Qalatasaray” qazandığı çoxsaylı uğurlarla Türk futbolunun dayağıdır. Klubumuzun prezidenti isə Türk idmanının ağsaqqalı mövqeyindədir. Bu, belə bilinməlidir”.
Oxşar xəbərlər
Ana səhifə
Bütün xəbərlər