Türkiyə Futbol Federasiyasının (TFF) peşəkar liqalarda apardığı mərc araşdırması çərçivəsində hər iki klubun futbolçularının Peşəkar Futbol İntizam Komitəsinə (PFDK) göndərildiyi bildirilib.

Apasport.az xəbər verir ki, həm “Qalatasaray”, həm də “Beşiktaş” məsələ ilə bağlı rəsmi açıqlama yayıb.

İstanbul klubları bildiriblər ki, bu həssas proses diqqətlə izlənilir və futbolçuların hüquqlarının qorunması əsas prioritetdir.

“Qalatasaray” bəyan edib ki, klub prosesi yaxından izləyir və bütün mərhələlərin ədalətli, şəffaf şəkildə həyata keçirilməsini gözləyir: “Məqsədimiz futbolçularımızın şəxsi hüquqlarına və Türk futbolunun marka dəyərinə zərər vermədən, ən doğru və ədalətli şəkildə nəticəyə çatmaqdır. Komandamız hər zaman ədalətin, dürüstlüyün və təmiz rəqabətin tərəfdarı olub”.

“Beşiktaş” isə açıqlamasında futbolçularının günahsız olduğuna inandıqlarını və məsələ ilə bağlı hüquqi addımların atılacağını vurğulayıb: “İki futbolçumuzun da günahsız olduğuna inanırıq. Klub olaraq prosesi diqqətlə izləyirik. Futbolçularımız sabah İstanbul Baş Prokurorluğuna müraciət edərək hüquqi etirazlarını təqdim edəcəklər”.

• Hacıosmanoğlu “Qalatasaray” – “Samsunspor” oyunundakı epizod barədə: "Qəbul edirəm"
• TFF prezidentindən derbi açıqlaması: "Etiraz etməli olan tərəf "Fənərbaxça"dır"
• “Fənərbaxça” və “Samsunspor”un Avropa oyunlarını idarə edəcək hakimlər açıqlanıb
• Elçin Məsiyev UEFA Avropa Liqasının oyununa təyinat alıb
• Türkiyədə mərc qalmaqalı böyüyür: 22 hakim və 27 futbolçu PFDK-ya göndərilib