Kamran Ağayev “Benfika” – “Boavişta” oyunundan sonra diqqət mərkəzində olub. Apasport.az saytının məlumatına görə, çılğın xarakteri ilə tanınan və qalmaqalları ilə tez-tez gündəmə gələnə millimizin qapıçısı matç başa çatan kimi rəqib futbolçularla dava-dalaşa çıxıb.

Belə ki, oyunun 75-ci dəqiqəsi gedərkən vaxtı uzatdığı üçün sarı vərəqə ilə cəzalandırılan “çərçivə qoruyucusu” “qartallar”ın bir neçə üzvünün narazılığı ilə qarşılaşmışdı.

Hakimin final fitindən sonra isə “Benfika”nın ehtiyat oyunçular skamyasından deyilən hansısa bir söz Kamranın özündən çıxmasına səbəb olub. Rəqib futbolçularla əlbəyaxa davaya çıxmaq istəyən Ağayevi Emin Mahmudov və digər komanda yoldaşları birtəhər sakitləşdirə biliblər.

İnsidentin baş vermə səbəbi isə bilinmir.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı