“Ötən ilin sonunda ölkə başçısı İlham Əliyev idmançılarla görüşü zamanı bizim Olimpiya Oyunlarındakı iştirakımızın əhəmiyyətindən danışdı. Bildirdi ki, idman geniş şəkildə təbliğ olunmalıdır”.

Apasport.az saytının məlumatına görə, bunu Milli Olimpiya Komitəsinin vitse-prezidenti Çingiz Hüseynzadə Milli Olimpiya Komitəsi və tərəfdaşları arasında Tokio-2020 Olimpiya və Paralimpiya Oyunları çərçivəsində əməkdaşlığa dair memorandumun imzalanma mərasimində deyib.

Tədbirdə çıxış edən Hüseynzadə bildirib ki, Olimpiya Oyunları dünyanın ən böyük hadisədir: “Könüllülər və tərəfdaşlar olmasa, belə böyük tədbiri təşkil etmək mümkün deyil. Könüllülərin fədakarlığı olmasaydı, nə Avropa Oyunlarını, nə də İslam Həmrəyliyi Oyunlarını belə yüksək səviyyədə təşkil edə bilməzdik. Eyni zamanda, tərəfdaşlarımızın rolunu da vurğulamaq istərdim. Biz artıq dünya və Avropa çempionatlarının ölkəmizdə keçirilməsinə təəccüblənmirik. Artıq kompleks tədbirləri yüksək səviyyədə təşkil edirik”.

Qeyd edək ki, XXXII Tokio Yay Olimpiya Oyunları 24 iyul – 9 avqustda, XV Yay Paralimpiya Oyunları isə 25 avqust - 6 sentyabrda keçiriləcək.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib