Bakı. Kənan Həsənov – APA-Sport. “Azərbaycanda şahmat klubunun yaradılması haqda iki ildir söhbət gedir. Özü də bu təklif ARDNŞ tərəfindən irəli sürülüb”. “APA-Sport” agentliyinin məlumatına görə, bu sözləri bu gün keçirilən mətbuat konfransında Şahmat Federasiyasının vitse-prezidenti Mahir Məmmədov deyib. Federasiya rəsmisi bu məsələnin hələ də gündəmdə olduğunu qeyd edib: “Biz mütləq klub ideyasına qayıdacağıq. Komandanın adının nə olması vacib deyil. Əsas bu işə başlamaqdır. Teymur Rəcəbov və Şəhriyar Məmmədyarov kimi şahmatçıları komandaya cəlb etmək güclü maliyyə tələb edir. Bildiyiniz kimi, ARDNŞ hazırda futbola böyük diqqət yetirir. Amma biz digər idman növlərinə də dəstək göstərəcəyik”.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO