Bakı. Kənan Həsənov – APA-Sport. Bu gün Bakıda şahmat üzrə Qran-Pri turnirinin birinci mərhələsi start götürüb. “APA-Sport” agentliyinin məlumatına görə, birinci tur çərçivəsində milli komandamızın üzvü Şəhriyar Məmmədyarov rusiyalı Pyotr Svidlerlə qarşılaşıb. Ağ fiqurlarla oynayan beynəlxalq qrossmeysterimiz oyunun əvvəlində çətin vəziyyətə düşsə də, durumu bərabərləşdirməyi bacarıb. Nəticədə şahmatçılar 23-cü gedişdə xalları yarı bölməyə razılaşıblar.
Qeyd edək ki, 162000 avro mükafat fondu olan və dairəvi sistemlə keçirilən turnirdə 14 qrossmeyster iştirak edir. Yarışda ölkəmizi, həmçinin Teymur Rəcəbovla Vüqar Həşimov təmsil edir.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO