Bakı. Kənan Həsənov-APA-Sport. Bolqarıstanın Plovdiv şəhərində təşkil olunan şahmat üzrə şəxsi Avropa çempionatında üçüncü turun oyunları başa çatıb. “APA-Sport” agentliyinin məlumatına görə, kişilərin birinciliyində ardıcıl üçüncü qələbəsini qazanan Rauf Məmmədov liderliyi ələ keçirib. Milli komandamızın üzvü bu gün 4-cü tur çərçivəsində Yan Verle (Hollandiya) ilə qarşılaşacaq. Qədir Hüseynov 2,5, Nicat Məmmədov 2, Eltac Səfərli və Fərhad Tahirov 1,5 xal toplayıb.
Qadınların yarışında Nərmin Kazımova liderlər qrupunda qərarlaşıb. Keçirdiyi üç oyundan 2,5 xal toplayan həmyerlimiz növbəti görüşünü Salome Meliayaya (Gürcüstan) qarşı keçirəcək. Digər şahmatçılarımızdan Xəyalə İsgəndərovanın 2, Zeynəb Məmmədyarova, İlahə Qədimova, Türkan Məmmədyarova, Nərgiz Umudova və Gülnar Məmmədovanın 1,5 xalı var.
11 turdan ibarət olan Avropa çempionatının mükafat fondu 140000 avro həcmində müəyyənləşdirilib.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO