Vateringen. Elşən Məmmədov-APA-Sport. Hollandiyanın Vateringen şəhərində badminton üzrə beynəlxalq turnirin startı verilib. “APA-Sport” agentliyinin məlumatına görə, 15 min dollar mükafat fonduna malik turnirdə çıxış edən Azərbaycan idmançıları Orxan Qələndərovla Kərim Musayev təsnifat mərhələsini adlaya bilməyiblər. Şəxsi yarışlarda yalnız O.Qələndərov qüvvəsini sınayıb. Lakin o, elə ilk görüşdəcə David Skoliersə (Belçika) 10:21, 9:21 hesabı ilə uduzaraq, mübarizəni dayandırıb. Qoşa mübarizədə O.Qələndərov – K.Musayev cütü təsnifat mərhələsinin ilk qarşılaşmasını dəf edə bilib. Səbəb Metyu Pol – Mat Veller (Almaniya) duetinin həmyerlilərimizlə görüşə çıxmaması olub. Lakin növbəti oyunda badminton cütlüyümüz Filipp Hengen – Robert Mann (Lüksemburq) duetinə uduzaraq, 1/16 final mərhələsinin bir addımlığında çıxışını dayandırıb – 13:21, 11:21.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO