Bakı. Elşən Məmmədov-APA-Sport. Azərbaycanın karate üzrə kişi və qadınlardan ibarət yığma komandası Avropa çempionatında iştirak etmək üçün sabah Estoniyanın paytaxtı Tallinə yollanacaq. Karate Federasiyasından «APA-Sport» agentliyinə verilən məlumata görə, mayın 2-də start götürəcək sayca 43-cü qitə birinciliyində ölkəmizi 9 idmançı təmsil edəcək. Həm şəxsi, həm də komanda kumite döyüşlərində kişilərdən Qurban Tağıyev (60 kq), Rəşad Hüseynov (65 kq), Rafael Ağayev (70 kq), Şahin Atamov (75 kq), Amal Atayev (80 kq), Ceyhun Ağasıyev (+80 kq) və Taleh Babayev (açıq çəkidə) qüvvəsini sınayacaq. Qadınlara gəldikdə, Nərgiz Mehdiyeva (53 kq) kumite, Adilə Qurbanova katada çıxış edəcək. Yusif Məmmədov və Əhməd Hətəmov isə döyüşləri idarə edəcək hakimlər arasında isə yer alacaq. Qitə birinciliyi üç gün davam edəcək.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO