Bakı. Kənan Həsənov-APA-Sport. Mayın 15-də Bakı Olimpiya Kompleksində start götürəcək növbəti Avropa çempionatında Azərbaycanı beş bilyardçı təmsil edə bilər. Bu haqda “APA-Sport” agentliyinə Bilyard İdmanı Federasiyasının prezidenti İlham Aslanov məlumat verib. Onun sözlərinə görə, yarışa qatılmayacaq ölkələrin təmsilçilərini milli komandamızın üzvləri Rauf Mustafayevlə Niyazi Xələfov əvəz edəcək. Bu məsələ mayın 14-də keçiriləcək püşkatma zamanı həllini tapacaq.
15000 ABŞ dolları mükafat fondu olan yarışda Seymur Məmmədov, Azər Hacıyev və Seyhun Ağayevin iştirak edəcəyi dəqiqləşib. Mayın 17-dək davam edəcək Avropa çempionatında 32 kişi və 16 qadın bilyardçı mübarizə aparacaq.

• Azərbaycan İdman Akademiyası beynəlxalq layihəyə qoşulub
• İdmançımız Türkiyədə qızıl medal qazanıb
• AAF rəsmisi Avropa Ağırlıqqaldırma Federasiyasının Xüsusi Konqresində iştirak edib
• Ölkəmizi Avropa Gənclər Paralimpiya Oyunlarında təmsil edəcək idmançılar müəyyənləşib
• Azərbaycanı Avropa Gənclər Paralimpiya Oyunlarında təmsil edəcək idmançılarla görüş keçirilib - FOTO