Bakı. Aqşin Əliyev - APA-Sport. 2008-ci il Pekin Yay Olimpiya Oyunlarının gimnastika proqramının püşkü atılıb. “APA-Sport” agentliyinin məlumatına görə, çoxnövçülüyün təsnifat mərhələsinə qatılacaq Azərbaycanın qrup hərəkətləri üzrə milli komandası 5 iplə hərəkətləri avqustun 21-də sayca 8-ci kollektiv qismində nümayiş etdirəcək. Həmin gün fərdi yarışda qüvvəsini sınayacaq Aliyə Qarayeva və Dinarə Gimatova da mübarizəyə qoşulacaqlar. Onların bəxtinə müvafiq olaraq, 8 və 12 sıra nömrələri düşüb. Həmyerlilərimizlə birgə fərdi mübarizədə 24 idmançı çıxış edəcək. Ertəsi gün milli komandamız 3 halqa və 4 gürzlə kompozisiyanı 2-ci göstərəcək. Həmçinin, avqustun 22-də A.Qarayeva və D.Gimatova gürzlərlə son çıxışlarını 20-ci və 24-cü idmançı qismində yerinə yetirəcəklər.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub