Bakı. Elşən Məmmədov-APA-Sport. Sabah Azərbaycanın yunan-Roma güləşçiləri 2008-ci il Pekin Yay Olimpiya Oyunlarına lisenziya xarakterli II təsnifat turnirində çıxış etmək üçün Serbiyanın Novi Sad şəhərinə yollanacaqlar. Bu haqda “APA-Sport” agentliyinə Güləş Federasiyasında milli komandaların rəisi Yaqub Məmmədov məlumat verib. Onun sözlərinə görə, mayın 23-də start götürəcək turnirdə Şalva Qadabadze (84 kq) və Aydın Səfərov (96 kq) yığmamızın Pekin Olimpiadasına indiyədək vəsiqə qazana bilmədiyi 2 çəki dərəcəsində mübarizə aparacaqlar. İdmançılarımız Pekinə yollanmaq üçün son lisenziya turnirində öz çəkilərində ilk «üçlüy»ə düşməlidirlər. Turnirin ilk günündə yığmamızın gürcüstanlı legioneri döşək üzərinə çıxacaq. Mayın 24-də isə digər pəhləvanımız qüvvəsini sınayacaq. Ş.Qadabadze və A.Səfərov yarışa məşqçi Bəhram Mürvətovun rəhbərliyi altında gedəcəklər. Millimizin baş məşqçisi Elçin Cəfərov isə Bakıda qalaraq, indiyədək lisenziyanı təmin etmiş 5 «klassik» güləşçimizin hazırlığı ilə məşğul olacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək