Bakı. Elşən Məmmədov-APA-Sport. Azərbaycanın qadın güləşi üzrə yığması İngiltərənin Şeffild şəhərinə yollanacaq. Bu haqda “APA-Sport” agentliyinə milli komandanın baş məşqçisi Nazim Əlicanov məlumat verib. Onun sözlərinə görə, pəhləvanlarımız iyunun 7-də start götürəcək Böyük Britaniya kubokunda mübarizə aparacaqlar. İki gün davam edəcək yarışa 3 idmançımız – Alyona Komarova (55 kq), Olesya Zamula və Elvira Mürsəlova (hər ikisi 63 kq) aparılacaq: “Avropa çempionu Mariya Stadniki 27-29 iyunda Bakıda baş tutacaq “Qızıl Qran-Pri” turnirinin finalınadək heç bir turnirdə sınamamaq qərarına gəlmişik. Zümrüd Qurbanhacıyeva isə 31 may-1 iyunda İsveçin Haparanda şəhərində keçiriləcək 2008-ci il Pekin Yay Olimpiya Oyunlarına lisenziya xarakterli II təsnifat turnirində qadın güləşində qazanmadığımız yeganə lisenziya uğrunda mübarizə aparacaq”.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub