Bakı. Aqşin Əliyev - APA-Sport. Azərbaycanın ağır atletika üzrə milli komandası Rusiyanın paytaxtı Moskvada təşkil olunan təlim-məşq toplanışı yekunlaşdırıb. Bu haqda “APA-Sport” agentliyinə məlumat verən yığmanın baş məşqçisi Vahid Nəzərov hazırlıqdan razı qaldığını bildirib. O, təlim-məşq toplanışının XXIX Pekin Yay Olimpiya Oyunlarına hazırlıq mərhələlərindən biri olduğunu söyləyib: “Əsasən fiziki hazırlığa diqqət yönəltmişdik. İki həftəlik toplanışdan tam razı qaldım. Yığma üzvləri hazırlıq səviyyələrini artırdılar. Şükürlər olsun ki, atletlərdən heç biri zədə deyil, hər şey qaydasındadır”. V.Nəzərov bildirib ki, Pekin Olimpiadasına aparılacaq 5 idmançının adı 23-25 may aralığında Bakıda keçiriləcək “Federasiya kuboku”ndan sonra məlum olacaq. Baş məşqçi yarışa əsas milli komandanın bütün üzvlərinin qatılacağını, heç kimə güzəşt edilməyəcəyini deyib.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək