Bakı. Aqşin Əliyev - APA-Sport. Azərbaycan taekvondo yığması Koreyanın paytaxtı Seulda təlim-məşq toplanışı keçəcək. Bu barədə “APA-Sport” agentliyinə milli komandanın baş məşqçisi Ələkbər İmaməliyev məlumat verib. Onun sözlərinə görə, iyunun 13-də başlanacaq hazırlıq prosesində 4 idmançı - Pekin Yay Olimpiya Oyunlarına lisenziya qazanmış yeganə taekvondoçumuz Rəşad Əhmədov, eləcə də Avropa çempionu Elnur Amanov, dünya çempionatının gümüş mükafatçısı Təvəkkül Bayramov və Rövşən Məmmədov iştirak edəcəklər. Təlim-məşq toplanışı çərçivəsində milli komandanın üzvləri Seulda təşkil olunacaq beynəlxalq turnirə qatılacaqlar. Bu, olimpiada ərəfəsində R.Əhmədovun çıxış edəcəyi son yarış olacaq. Azərbaycan Taekvondo Federasiyasının I vitse-prezidenti Füzuli Musayevin başçılıq etdiyi nümayəndə heyəti iyulun 13-də vətənə dönəcək.
Qeyd edək ki, bu ilin yanvarında Pekinə Olimpiadasına vəsiqə qazanmış R.Əhmədov zədədən qorunmaq üçün indiyədək heç bir yarışda mübarizə aparmayıb.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək