Bakı. Elşən Məmmədov - APA-Sport. “İçərişəhər” tarixi memarlıq kompleksi Bakının ev sahibliyi etməyə namizəd olduğu 2016-cı il Yay Olimpiya Oyunları ilə bağlı mədəniyyət proqramına daxil edilib. Azərbaycan Gənclər və İdman Nazirliyinin mətbuat xidmətindən “APA-Sport” agentliyinə verilən məlumata görə, bunu “Bakı-2016”nın Təşkilat Komitəsinin sədri, baş nazirin I müavini Yaqub Eyyubov Beynəlxalq Olimpiya Komitəsinin üzvləri ilə görüşündən sonra bildirib. Y.Eyyubov vurğulayıb ki, memarlıq kompleksinə aid olan və inşası XII əsrdə başa çatmış “Qız Qalası” abidəsi bizim eramızdan əvvəl VII - VI əsrlərdə tikilən daha qədim strukturun üzərində qərar tutub: “XV əsrə aid Şirvanşahlar Sarayı isə Azərbaycan memarlığının parlaq nümunəsidir. Bu abidə 2016-cı il olimpiadası ilə bağlı mədəniyyət proqramının mərkəzində dayanacaq”.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək