Rusiyanın Medin şəhərində keçirilən universal döyüş üzrə dünya birinciliyinə yekun vurulub. Apasport.az saytının məlumatına görə, yarışda 14-15, eləcə də 16-17 yaşlı oğlan və qızlar mübarizə aparıblar. Çempionata 10 idmançı ilə qatılan Azərbaycan yığması Vətənə 6 medalla dönüb.

Fərhad Ocaqverdiyevin yetirmələrindən 4-ü fəxri kürsünün ən yüksək pilləsinə qalxıb. 14-15 yaşlılardan Nicat Əliyev (75 kq) və Fərəh Rəsulova (62 kq) qızıl medal qazanıblar. Bu yaş qrupunda Vüqar Xəlilovla (45 kq) Elşən Musayev (50 kq) 3-cü yeri tutublar.

Milli komandamız digər qızıl medallara 16-17 yaşlıların turnirində yiyələnib. Orxan Qasımov (60 kq) və Vüsal Bayramov (70 kq) bütün rəqiblərini üstələyərək, əsas mükafata layiq görülüblər.

• “Cadillac” Azərbaycan Qran Prisinin qaliblərini Bakıya gətirəcək
• Gəncədə üzgüçülük üzrə “ASF Ganja Cup 2025” turniri keçiriləcək
• Badmintonçularımız beynəlxalq turnirdə 11 medal qazanıblar
• Azərbaycan və Albaniya arasında idman əlaqələrinin genişləndirilməsi müzakirə olunub
• Bilyard üzrə Azərbaycan çempionatı keçiriləcək