Azərbaycanlı Vüqar Verdiyev Litvanın Klaypeda şəhərində keçirilən Avropanın ən yaxşı bodibildinqçisinin seçilməsi müsabiqəsində haqsızlıqla üzləşib. Bu haqda apasport.az saytına Azərbaycan Bodibildinq Federasiyasının prezidenti Rauf Bünyadəliyev məlumat verib. Onun sözlərinə görə, “Elit tur” adlanan yarışda hakimlər idmançımızla bağlı qeyri-obyektiv qərar çıxarıblar.

12 idmançının qatıldığı turnirdə Vüqar ilk “altılığ”a düşdüyü üçün finala adlayıb. Həlledici mərhələdə isə Avropa çempionumuz 4 rəqibi ilə eyni miqdarda xal toplayıb. Ancaq hakimlər idmançımızın bəzi göstəricilərdə geri qaldığını bildirərək, onu 5-ci yerə layiq görüblər.

Bünyadəliyev deyir ki, bodibildinqçimizi uduzduran hakimlər zala toplaşanların etirazı ilə qarşılaşıblar: “Vüqarın 5-ci yeri tutduğu elan olunan kimi, azarkeşlər ayağa qalxaraq hakimləri fitə basdılar, öz etirazlarını müxtəlif şəkildə büruzə verdilər”.

Qeyd edək ki, Verdiyev ötən il Ukraynada keçirilmiş “Elit tur”da 9-cu olmuşdu.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək