Yunanıstanın Komotini şəhərində tələbə ağırlıqqaldıranlar arasında keçirilən ilk dünya çempionatı başa çatmaq üzrədir. Apasport.az saytının məlumatına görə, arxada qalan günlərdə podiuma çıxan Azərbaycanın hər iki idmançısı fəxri kürsüyə yüksəlib.

Təmsilçilərimizdən öncə mübarizəyə qoşulan Sərdar Həsənov (62 kq) gümüş medala layiq görülmüşdü. 94 kq çəki dərəcəsində qüvvəsini sınayan Rövşən Fətullayev da analoji uğura imza atıb. O, birdən və təkanla qaldırmada 362 kq-ın öhdəsindən gələrək, ikinci yeri tutub.

Bu gün sonuncu atletimiz Rolan Piriyev (+105 kq) öz bacarığını nümayiş etdirəcək.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO