Heydər Əliyev adına İdman Konsert Kompleksində hərbçi boksçular arasında təşkil olunan dünya çempionatında final döyüşləri start götürüb. Apasport.az saytının məlumatına görə, az öncə rinqə çıxan Azərbaycan yığmasının üzvü Ceyhun Abıyev dünya çempionu adını qazanıb.

Ən yüngül çəki dərəcəsində (48 kq) döyüşən təmsilçimiz Sing Paramliti (Hindistan) məğlub edib. Yarışa yarımfinaldan başlayan Abıyev ilk görüşdə İlya Qribi (Belarus) üstələmişdi. Bunun ardınca isə eyni uğura Sing Suranjoyu (Hindistan) üstələyən Rəhim Nəcəfov (51 kq) imza atıb. Komanda yoldaşlarının qələbə seriyası Elşən İsmayılov (57 kq) davam etdirib. Bu boksçumuz da Hindistan təmsilçisi Yadav Chotteni məğlub edib.

75 kq çəkidə rəqibi görüşdən imtina etdiyi üçün digər həmyerlimiz Rahib Bəylərov da qızıl medala sahib çıxıb.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO