Beynəlxalq Fiqurlu Konkisürmə İttifaqı Qran-Pri turnirinin altı mərhələsinin yekunlarını açıqlayıb. Apasport.az saytının məlumatına görə, bununla da, dörd növ üzrə finalda çıxış edəcək fiqurlu konkisürənlərin adları bəlli olub.

Təəssüf ki, Azərbaycan təmsilçiləri həlledici mərhələdə mübarizə aparmayacaqlar. Buna Kristin Freyzer/İqor Lukanin rəqs duetimizin ilk “altılıq”da yer ala bilməməsi səbəb olub.

Qeyd edək ki, təmsilçilərimiz Qran-Pri turnirinin cəmi bir mərhələsinə qatılıblar. Fransanın paytaxtı Parisdə keçirilmiş həmin yarışda qüvvəsini sınamış cütlük uğursuz çıxış etdiyindən 6-cı yeri tutub.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO