Planetin ən güclü qrossmeysterlərindən sayılan Vasili İvançuku iki illik cəza gözləyir. Apaport.az saytının məlumatına görə, bu haqda Rusiya mətbuatına Beynəlxalq Şahmat Federasiyasının (FİDE) prezidenti Kirsan İlyumjinov açıqlama verib.

FİDE prezidenti bildirib ki, reytinqinə görə dünyanın üçüncü şahmatçısı olan İvançuk ötən ay Almaniyanın Drezden şəhərində keçirilmiş Şahmat Olimpiadasında dopinq-testdən boyun qaçırıb. Bu səbəbdən onun iştirakı ilə baş tutan görüşlərin nəticələri ləğv ediləcək. Nəticədə olimpiadanı 4-cü pillədə başa vuran Ukrayna yığmasının da mövqeyində dəyişiklik olacaq. FİDE belə qərar verərsə, Azərbaycan milli komandası olimpiadada 6-cı yerdən 5-ci sıraya yüksələcək.

Qeyd edək ki, İvançuk FİDE-nin himayəsi altında keçirilən Qran-pri turnirində yığmamızın üzvləri Teymur Rəcəbov, Şəhriyar Məmmədyarov və Vüqar Həşimovun də əsas rəqibidir.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək