Rusiyanın paytaxtı Moskvada təşkil olunan boks üzrə dünya kubokunun 1/4 final mərhələsinə yekun vurulub. Apasport.az saytının məlumatına görə, Azərbaycan yığmasının üç üzvü bu səddi adlamağı bacarmayıb.

Rəhim Nəcəfovdan (54 kq) sonra Romal Amanovla (64 kq) Elçin Əlizadə (91 kq) də ilk döyüşdəcə məğlubiyyət acısı dadıblar. Romal kubalı Stolonqo İqlesiasa 6:18, Elçin isə ukraynalı Aleksandr Usikə 4:12 hesabı ilə uduzub.

Beləliklə, sabah keçiriləcək yarımfinalda iki boksçumuz mübarizə aparacaq. Famil Süleymanov (60 kq) Qinq Hu (Çin) ilə, Azər Məmmədov (+91 kq) isə Marko Tomaseviçlə (Xorvatiya) döyüşəcək. Təmsilçilərimiz bu görüşlərin nəticəsindən asılı olmayaraq özləri üçün minimum bürünc medalı təmin ediblər.

Qeyd edək ki, “Meqasport” İdman Sarayında təşkil olunan dünya kubokunun qalibi olan boksçulara 10 min ABŞ dolları mükafat təqdim ediləcək. Gümüş mükafatçılar 5 min, üçüncü yeri tutanlar 2500 dollar qazanacaqlar.

• AzVİF bölgələrdə yeni layihəyə start verib
• III MDB Oyunlarında iştirak edəcək ölkələrin sayı artıb
• “Cadillac” Azərbaycan Qran Prisinin qaliblərini Bakıya gətirəcək
• Gəncədə üzgüçülük üzrə “ASF Ganja Cup 2025” turniri keçiriləcək
• Badmintonçularımız beynəlxalq turnirdə 11 medal qazanıblar