Yaponiyanın paytaxtı Tokioda keçirilən cüdonun banisi Ciqaro Kanonun xatirə turniri Azərbaycan idmançıları üçün uğursuz alınıb. Apasport.az saytının məlumatına görə, yarışda qüvvəsini sınayan Sərxan Əhmədov (66 kq) və Zaur Paşayev (90 kq) mükafatçılar sırasına düşə bilməyiblər.

Debütdə qələbə qazanan Sərxan ikinci mərhələdə yerli cüdoçuya uduzaraq, mübarizəni erkən dayandırıb. Zaur Paşayevin də qarşısını Yaponiya təmsilçisi kəsib. Həmvətənimiz 1/8 finalda Takaşi Ono ilə görüşdə ippon fəndinə düşüb.

Qeyd edək ki, XXIX Pekin Yay Olimpiya Oyunlarının qalibi Elnur Məmmədli Tokioya getməsinə baxmayaraq, tatami üzərinə çıxmayıb.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək