“Hər iki ölkənin qrossmeysterləri müxtəlif yarışlarda tez-tez qarşılaşırlar. Bizimlə azərbaycanlı həmkarlarımız arasında heç bir problem yaranmır”. Apasport.az saytının məlumatına görə, bu sözləri Ermənistan şahmat yığmasının üzvü Vladimir Akopyan söyləyib.

Rusiyanın Elista şəhərində təşkil olunan Qran-Pri turnirində mübarizə aparan Akopyan azərbaycanlılarla dostluq münasibəti saxladığını da etiraf edib: “Mən Bakıda anadan olmuşam. Orada kifayət qədər azərbaycanlı dostlarım var. Onlarla məktublaşır, Moskvada olarkən isə görüşürəm”.

Qeyd edək ki, Qran-Pri turnirində milli komandamızın üç üzvü, Teymur Rəcəbov, Şəhriyar Məmmədyarov və Vüqar Həşimov da çıxış edir.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO