Azərbaycan şahmatçısı Teymur Rəcəbov Rusiyanın Elista şəhərində keçirilən Qran-Prinin XII turunda Ermənistan təmsilçisi Vladimir Akopyana qalib gələ bilməyib. Apasport.az saytının məlumatına görə, ağ fiqurlarla oynayan həmvətənimiz reytinqdə özündən aşağı olan rəqiblə “sülh bağlayıb”. Rəcəbov bədnam qonşularımızın nümayəndəsi ilə partiyada cəmi 19 gediş edib.

Digər idmançılarımız da hesabat turunda yarım xalla kifayətləniblər. Vüqar Həşimov Ernesto İnarkiyevlə (Rusiya), Şəhriyar Məmmədyarov isə Yu Vanqla (Çin) heç-heçə oynayıb. Bu nəticələrdən sonra şahmatçılarımızın mövqeyində dəyişiklik olmayıb. Rəcəbov 7,5 xalla əvvəlki kimi, 1-3-cü yerləri bölüşdürür. Bundan 0,5 xal geri qalan Həşimov 4-cü sıradadır. Məmmədyarov isə 6 xalla 5-9-cu pilələrdə qərarlaşıb.

Sabah Qran-Pridə axırıncı turun görüşləri olacaq. Akopyanı bu dəfə Şəhriyar sınağa çəkəcək. Vüqar özbəkistanlı Rüstəm Qasımcanovla, Teymur isə rusiyalı Aleksandr Qrişukla qarşılaşacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək