Respublika Olimpiya Mərkəzində gənclər və yeniyetmələr arasında keçirilən atletika üzrə ölkə çempionatına yekun vurulub. Apasport.az saytının məlumatına görə, 123 idmançının qatıldığı yarışda Pekin Yay Olimpiya Oyunlarının iştirakçısı Ramil Quliyev 60 metr məsafəyə qaçışda 6,61 saniyə nəticə göstərsə də, fiziki yüklənmədən ehtiyatlanaraq, finalda iştirakdan imtina edib. Nəticədə bu məsafəyə qaçışda Rüstəm Əliyev (7,34 saniyə) birinci yeri tutub.

Böyüklər arasında üç təkanla uzunluğa tullanma yarışlarında Kamran Cəlilov (15,35 metr) və Ənvər Zeynalov (15,15 metr) 1-2-ci yerlərə sahib çıxıblar.

Qadınlar arasında mübarizədə Alyona Setina (200 metr), Hökümə İbrahimova (400 metr) və 60 metr məsafəyə sədlərlə qaçışda Rəqibə Məmmədova fərqləniblər.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO