Bu gün qadın şahmatçılar arasında Azərbaycan çempionatı start götürür. Azərbaycan Şahmat Federasiyasının (AŞF) mətbuat katibi Tural Baxışovun apasport.az saytına verdiyi məlumata görə, yarışda 11 iti zəka sahibi dairəvi sistem üzrə mübarizə aparacaq.

Çempionatda Zeynəb və Türkan Məmmədyarova bacıları, həmçinin Nərgiz Umudova, Xəyalə İsgəndərova, Nərmin Kazımova, Gülnar Məmmədova, Xəyalə Abdullayeva, Səbinə Quliyeva, Səbinə İbrahimova, Turan Əsgərova və Elmira Əliyeva qüvvələrin sınayacaqlar.

Sabah isə eyni məkanda - AŞF-nin ofisində kişi şahmatçılar mübarizəyə başlayacaqlar. Federasiya rəhbərliyi milli komandamızın bütün üzvlərini yarışdan azad edib. İl ərzində xeyli beynəlxalq turnirlərdə iştirakı nəzərə alınan Teymur Rəcəbov, Şəhriyar Məmmədyarov, Vüqar Həşimov, Qədir Hüseynov və Rauf Məmmədova yenə istirahət verilib. Hərçənd, ötən çempionata yığma üzvlərindən Rauf qatılmışdı.

Kişilərin yarışında 10 idmançı çıxış edəcək. Həm qadınların, həm də kişilərin çempionatına yanvarın 22-də yekun vurulacaq.

• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO