Hollandiyanın Veyk-an-Zee şəhərində keçirilən XIX kateqoriyalı “Corus” superturniri uğrunda yarışın ikinci turu başa çatıb. Apasport.az saytının məlumatına görə, yarışda Azərbaycanın yeganə təmsilçisi Teymur Rəcəbov yenə yarım xalla kifayətlənib.

22 yaşlı şahmatçımız hesabat turunda ermənistanlı Levon Aronyana qarşı mübarizə aparıb. Ağ fiqurlarla oynayan Rəcəbov adəti üzrə Aronyanla “sülh” bağlayıb.

İkinci turun digər nəticələri:

Lenyer Dominqes (Kuba) - Qata Kamski (ABŞ) - 0,5:0,5
Van Yu (Çin) - Vasili İvançuk (Ukrayna) - 0:1
Yan Smits (Hollandiya) - Sergey Karyakin (Ukrayna) - 0,5:0,5
Daniel Stellvagen (Hollandiya) - Maqnus Karlsen (Norveç) - 0,5:0,5
Sergey Movsesyan (Slovakiya) - Maykl Adams (İngiltərə) - 1:0
Aleksandr Morozeviç (Rusiya) - Luk Van Veli (Hollandiya) - 1:0

Hazırda Rəcəbov 1 xalla daha 7 şahmatçı ilə birgə 4-12-ci sıraları bölüşdürür. Bu gün keçiriləcək 3-cü turda həmvətənimiz turnirin reytinq-favoriti İvançukla qarşılaşacaq. 13 turdan ibarət “Corus” kubokuna fevralın 1-də yekun vurulacaq.

• Bakıda sumo əfsanəsi ilə görüş keçirilib - FOTO
• Federasiya Kuboku yarışının qalibləri müəyyənləşib
• Mingəçevirdə “Kürü keçək?!“ açıq suda üzmə yarışı başa çatıb - FOTO
• Zaur Əliyev: “Kürü keçək?!” yarışını gələcəkdə beynəlxalq səviyyədə təşkil etmək niyyətindəyik”
• Kamandan oxatma üzrə Azərbaycan birinciliyi və çempionatı yekunlaşıb - FOTO