Azərbaycan şahmatçısı Şəhriyar Məmmədyarov Almaniyanın “Verder” klubu ilə müqavilə bağlayıb. Bu haqda apasport.az saytına idmançının atası Həmid Məmmədyarov məlumat verib. Onun sözlərinə görə, 24 yaşlı beynəlxalq qrossmeyster Bremen şəhərinin komandasında fevralda debüt edəcək.

“Ötən ilin dekabrında keçirilən Qran-Pridəki zəif nəticədən sonra Şəhriyar özünə qapanıb. Bu səbəbdən mətbuatla ünsiyyətdən yayınır. Ancaq onun “Verder”ə keçidi dəqiqdir və Almaniya çempionatında iştiraka razılıq verib. Müqavilənin şərtlərinə əsasən, o, gələn ayın axırlarında Bundesliqada iki oyun keçirəcək” - deyə Həmin Məmmədyarov vurğulayıb.

Amma Şəhriyar Almaniyaya bir qədər erkən, yanvarın sonlarında gedəcək. Həmvətənimiz orada seans verəcək, həmçinin bir sıra tədbirlərə qatılacaq.

Qeyd edək ki, Məmmədyarov 2008-ci ilin oktyabrında Yunanıstanda təşkil olunmuş klublararası Avropa kubokunda “Alkaloid”in (Makedoniya) şərəfini qoruyub.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO