Sabah Milli Paralimpiya Komitəsinin (MPK) III hesabat-seçki konfransı keçiriləcək. Bu haqda apasport.az saytına MPK-nın mətbuat katibi İlham Təhməzov məlumat verib. Onun sözlərinə görə, tədbirdə son 4 il üçün hesabat dinləniləcək, daha sonra prezident, vitse-prezident, baş katib və İcraiyyə Komitəsinə seçkilər olacaq.

Təhməzov bildirib ki, MPK-nın prezidenti postuna yalnız qurumun indiki rəhbəri İlqar Rəhimovun namizədliyi qeydə alınıb. Bu isə sabah Rəhimovun 3-cü dəfə ardıcıl prezident seçiləcəyini deməyə əsas verir. O, MPK yaranan vaxtdan, yəni 1997-ci ildən bəri komitəyə başçılıq edir.

Sabah, həmçinin Ziyadxan Kərimovun vitse-prezident, Afiq Süleymanovun isə baş katib vəzifəsinə yenidən seçiləcəkləri gözlənilir. Hesabat-seçki konfransı Sumqayıt şəhərində yerləşən Paralimpiya İdman Kompleksində baş tutacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək