Qadın otüstü hokkeyçilərdən ibarət Azərbaycan milli komandası Malayziyada keçiriləcək beynəlxalq turnirdə iştirak edəcək. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib.

Otüstü hokkeyçilərimizin Malayziya səfəri fevralın 20-dən martın 1-dək davam edəcək. Bu müddət ərzində milli komandamız pakistanlı baş məşqçi Tahir Zamanın rəhbərliyi altında beynəlxalq yarışa qatılacaq. Turnirdə yığmamız və meydan sahibləri ilə yanaşı, İtaliya, Koreya, Almaniya və Hollandiya da mübarizə aparacaqlar.

Qeyd edək ki, yarış yığmamız üçün bu ilin yayında Amsterdamda keçiriləcək Avropa çempionatına hazırlıq xarakteri daşıyacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO