Otüstü hokkey üzrə kişi komandalar arasında keçiriləcək Azərbaycan çempionatının reqlamenti yenə dəyişdirilib. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib. Onun sözlərinə görə, apreldə start götürəcək ölkə çempionatında mübarizə hərəsində 4 komanda olmaqla, 3 liqada gedəcək.

Yüksək liqada “Akkord”, “Atasport” (hər ikisi Bakı), “Şahdağ” (Qusar), “Göytəpə” (Cəlilabad), 1-ci liqada “Kür” (Mingəçevir), “Gənclik” (Sumqayıt), “Təhsil” (Bakı), “Gəncə”, 2-ci liqada isə “Astara”, “Şəki”, “Xəzər” (Lənkəran) və “Olimp” (Masallı) klubları yarışacaq. Çempionat dörd dövrədən ibarət olacaq. Hər bir komanda mövsüm ərzində 12 oyun keçirəcək. Yeni qaydalara əsasən, liqada sonuncu yeri tutan klubu növbəti ölkə birinciliyində digər liqanın qalibi əvəzləyəcək.

Qadın komandalar isə əvvəlki kimi, 2 dövrədə oynayacaqlar. Xanım otüstü hokkeyçilərin yarışına 5 və ya 6 klub qatılacaq.

Qeyd edək ki, ötən il kişilərin çempionatı iki mərhələdə keçirilmişdi. Öncə A və B yarımqruplarının hərəsində 6 komanda mübarizə aparmışdı. Daha sonra hər yarımqrupda l-2-ci, 3-4-cü və 5-6-cı pillədə qərarlaşan kollektivlərdən ayrı-ayrılıqda 3 qrup yaradılmışdı.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək