Amerikalı tennisçi Serena Uilyams idman tarixində ən çox pul qazanan qadın idmançı olub. Apasport.az saytının məlumatına görə, hazırda davam edən açıq Avstraliya çempionatının finalına yüksələn Uilyamsın qazancı 22 725 475 dollara çatıb. Bununla da, 28 yaşlı idmançı Annika Sorenstra (qolf) və Lindsey Devenportu (tennis) qabaqlayıb.

Serena ən çox qazanan qadın idmançıların siyahısında birinci yerə yüksəldiyi üçün sevincini gizlətməyib: “Bu, çox möhtəşəm xəbərdir. Yadımdadır, ilk dəfə 1995-ci ildə pul qazanmışdım. Həmin vaxt Kvebekdə keçirilən turnirdə 240 dollar əldə etmişdim”.

Qeyd edək ki, 14 il öncə peşəkar karyerasına başlayan Uilyams indiyədək 13 titula yiyələnib.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO