Amerika futbolu üzrə çempionatın finalında rekord qeydə alınıb. Apasport.az saytının məlumatına görə, “Pittsburq” və “Arizona” komandaları arasında keçirilən həlledici qarşılaşmanı yayımlayan ABŞ-ın NBC telekanalı reklamdan 206 milyon dollar gəlir əldə edib.

Oyun ərzində 69 reklam çarxı efirə gedib. Bunların hər biri 2,5-3 milyon dollara satılıb. Çarxlar ötən il sentyabrında satışa çıxarılıb və dərhal bunun 80 faizi alınıb. Həmin vaxt yaranan maliyyə böhranı ucbatından isə qalan 20 faizi tədricən 4 aya satmaq mümkün olub.

Bütün reklamların satışından sonra NBC telekanalının təmiz qazancı 206 milyon dollar təşkil edib. Matça gəlincə, “Pittsburq” son dəqiqələrdə qazandığı xallar sayəsində “Arizona”nı 27:23 hesabı ilə qalib gəlib.

Qeyd edək ki, ABŞ-da ən məşhur idman növləri Amerika futbolu, qolf, basketbol və xokkey sayılır.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO