Kişi otüstü hokkeyçilərdən ibarət Azərbaycan milli komandası Qahirədə Misirlə qarşılaşacaq. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib. Onun sözlərinə görə, öncə yığmamızın Qahirədə beynəlxalq turnirdə iştirakı nəzərdə tutulsa da, sonradan yarış qeyri-müəyyən səbəbdən ləğv olunub.

“Buna baxmayaraq, otüstü hokkeyçilərimiz fevralın 10-dan 20-dək Misirdə təlim-məşq toplanışı keçəcəklər. Hazırlıq prosesi çərçivəsində bu ölkənin əsas və gənclərdən ibarət komandaları ilə birgə mini-turnirin baş tutacağı da gözlənilir” - deyə Nuriyev vurğulayıb.

Qeyd edək ki, qarşıdakı təlim-məşq toplanışı iyulda Xorvatiyada keçiriləcək qitə çempionatının Çelenc I divizionuna hazırlıq xarakteri daşıyacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO