Azərbaycan şahmatçısı Vüqar Həşimov Cəbəllütariqdə keçirilən 7-ci “Gibtelecom” festivalında çempion ola bilməyib. Apasport.az saytının məlumatına görə, 23 yaşlı beynəlxalq qrossmeysterimiz öncə yarış cədvəlinə başçılıq etsə də, sonradan liderliyini itirib.

Bu gün axırıncı tur çərçivəsində ABŞ təmsilçisi Hikaru Nakamura ilə heç-heçə oynayan Vüqar 1-ci yeri tutmaq şansını qaçırıb. Nəticədə Həşimov 7,5 xalla Nakamura ilə birgə 3-4-cü pillələri bölüşdürüb.

10 turdan ibarət yarışın qalibi Pyotr Svidlerlə (Rusiya) Vadim Milov (İsveçrə) olub. Onlar hərəyə 8 xal toplayıb.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO