Azərbaycanın şahmat üzrə beynəlxalq dərəcəli ilk qadın hakimi Ülkər Umudova olacaq. Bu haqda apasport.az Azərbaycan Şahmat Federasiyasının mətbuat katibi Tural Baxışov məlumat verib. Onun sözlərinə görə, hazırda FİDE hakimi funksiyasını yerinə yetirən Umudova beynəlxalq dərəcə almaq üçün normativi yerinə yetirib.

Artıq lazımi sənədlər FİDE-yə təqdim edilib. Umudovanın beynəlxalq dərəcəli hakim olması isə yaxın aylarda rəsmiləşəcək. Bu dərəcə həmyerlimizə FİDE-nin növbəti konqresində veriləcək.

Qeyd edək ki, indi ölkəmizdə 8 beynəlxalq dərəcəli və 4 FİDE hakimi var.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO