Beynəlxalq Olimpiya Komitəsi (İOC) 2016-cı il Yay Olimpiya Oyunlarının proqramına salınmağa namizəd göstərilən idman növlərinin adlarını açıqlayıb. Apasport.az saytının lent.az-a istinadən məlumatına görə, 7 il sonra keçiriləcək olimpiadada 2 yeni növ peyda olacaq.

Bu idman növləri qolf, diyircəkli konkisürmə, beysbol, softbol, reqbi, skvoş və karate növləri arasından seçiləcək. Artıq 7 idman növü üzrə beynəlxalq federasiyaların hər biri olimpiadanın proqramına salınmaq üçün lazım olan sənədləri İOC-a təqdim ediblər.

Oktyabrın 3-də Danimarkanın paytaxtı Kopenhagendə keçiriləcək İOC-un sessiyasında olimpiada proqramına salınan iki yeni idman növü səsvermə yolu ilə müəyyənləşdiriləcək. Həmin sessiyada 2016-cı il Yay Olimpiya Oyunlarını təşkil edəcək şəhərin adı da məlum olacaq.

Xatırladaq ki, 2016-cı il Olimpiadası Madrid (İspaniya), Rio-de-Janeyro (Braziliya), Tokio (Yaponiya) və Çikaqo (ABŞ) şəhərlərindən birində keçiriləcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək