Azərbaycan şahmatçısı Teymur Rəcəbov İspaniyada təşkil olunan ənənəvi “Linares” superturnirində ilk xalını qazanıb. Apasport.az saytının məlumatına görə, 22 yaşlı həmyerlimiz yarışın II turu çərçivəsində ukraynalı Vasili İvançukla görüşdə yarım xal əldə edib. Ağ fiqurlarla oynayan Rəcəbov rəqibi ilə 42-ci gedişdə “sülh” bağlayıb.

Teymur ilk turda hindistanlı dünya çempionu Vişvanatan Ananda uduzmuşdu. Hazırda şahmatçımız 0,5 xalla sonuncu pillədə qərarlaşıb. O, sabah baş tutacaq III turda Aleksandr Qrişuku (Rusiya) sınağa çəkəcək.

Qeyd edək ki, 314 min avro mükafat fondu olan yarışda dünyanın 8 ən məşhur zəka sahibi yarışır. İki dövrədən, 14 turdan ibarət superturnir martın 7-də başa çatacaq.

“Linares” superturniri, II tur

Teymur Rəcəbov (Azərbaycan, 2761) - Vasili İvançuk (Ukrayna, 2779) - 0,5:0,5
Maqnus Karlsen (Norveç, 2776) - Lenyer Dominqes (Kuba, 2717) - 0,5:0,5
Vişvanatan Anand (Hindistan, 2791) - Levon Aronyan (Ermənistan, 2750) - 0:1
Aleksandr Qrişuk (Rusiya, 2733) - Van Yue (Çin, 2739) - 1:0

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO