Azərbaycan cüdo yığması Almaniyanın Hamburq şəhərində keçirilən Qran-Pri turnirində iki medal qazanıb. Apasport.az saytının məlumatına görə, milli komandamıza ikinci mükafatı 90 kq çəki dərəcəsində Elxan Məmmədov gətirib.

27 yaşlı idmançımız təsnifat mərhələsində ardıcıllıqla Penq Liu (Çin), Robert Dumke (Almaniya) və Ramzaddin Sayıdova (Özbəkistan) qalib gəlib. Daha sonra yarımfinalda fransalı Matye Yves Dafrevilə uduzan Elxan bürünc medala layiq görülüb.

Bu gün tatmi üzərinə çıxan digər cüdoçularımız – Ramin Qurbanov, Elxan Rəcəbli (hər iksi 81 kq) və Elmar Qasımov (100 kq) isə fəxri kürsüyə yüksələ bilməyiblər. Hamburqda Elxan Məmmədovla yanaşı, Ramil Qasımov da (66 kq) bürünc medal qazanıb.

Ümumi mükafat fondu 100 min dollar olan Qran-Qrinin ardınca, sabahdan etibarən beynəlxalq təlim-məşq toplanışı start götürəcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək